श्रमसंस्कृतीतून राष्ट्रीय सेवा योजनेचा स्वयंसेवक तयार होतो

बाभळगाव : राष्ट्रीय सेवा योजना ही या देशातील सर्वात मोठी तरुणांची राष्ट्रीय पातळीवरची केंद्र सरकारची योजना आहे. ग्रामीण भागामध्ये होणाऱ्या विशेष युवक शिबिरातून राष्ट्रभावना, लोकशाही, सामाजिक भान या मूल्यांची जोपासना होते. शिबीरात विविध जाती धर्मातील विद्यार्थी एकत्र राहतात त्यामुळे त्यांच्यात राष्ट्रभावना निर्माण होते. स्वामी रामानंद तीर्थ मराठवाडा विद्यापीठ, नांदेड कडून प्रत्येक कार्यक्रमाचे परिपत्रक पाठवून वर्षभर कार्यक्रम केले जातात. त्याचा शेवट विशेष शिबिरानी होतो. यातून तरुणांचे नेतृत्व उभे राहते. श्रम संस्कृतीतून राष्ट्रीय सेवा योजनेचा स्वयंसेवक सिद्ध होतो. असे प्रतिपादन स्वामी रामानंद तीर्थ मराठवाडा विद्यापीठ, नांदेड राष्ट्रीय सेवा योजना संचालक डॉ.मल्लिकार्जुन करजगी यांनी केले.

स्वामी रामानंद तीर्थ मराठवाडा विद्यापीठ, नांदेड आणि दयानंद शिक्षण प्रसारक मंडळ बाभळगाव द्वारा संचलित कै. व्यंकटराव देशमुख महाविद्यालय, बाभळगाव यांच्या संयुक्त विद्यामाने राष्ट्रीय सेवा योजनेचे विशेष युवा शिबिर मौजे धनेगाव ता.जि. लातूर येथे आज सुरू झाले. त्याप्रसंगी उद्घाटक म्हणून डॉ. करजगी बोलत होते. कार्यक्रमाच्या अध्यक्षस्थानी दयानंद शिक्षण प्रसारक मंडळ, बाभळगावचे सचिव शाम देशमुख तर प्रमुख पाहुणे म्हणून रेणा सहकारी साखर कारखान्याचे संचालक प्रवीण पाटील, संस्थेचे कोषाध्यक्ष आयुब शेख, सदस्य सूर्यकांत देशमुख, सुवर्णाताई मुळे यांची उपस्थिती होती.

उद्घाटन सत्राचे प्रास्ताविक राष्ट्रीय सेवा योजना कार्यक्रमाधिकारी डॉ. दशरथ भिसे यांनी केले तर सूत्रसंचालन डॉ. अंगद कोते यांनी केले. डॉ प्रवीण पाटील आणि प्राचार्य डॉ. दुष्यंतकटारे यांनी यावेळी शिबिरार्थींना मार्गदर्शन केले. कार्यक्रमाला स्टाफ सचिव डॉ जयदेवी पवार, डॉ. नरेंद्र देशमुख , डॉ.शाहूराज मुळे, डॉ. रणजीत जाधव, डॉ. मा.ना. गायकवाड, प्रा. चंद्रकांत मोरे, डॉ. वैशाली माढेकर, डॉ. मीनाक्षी कोंगे, डॉ. अजित भांजी, प्रा.महावीर कटके, डॉ. पांडुरंग मुंढे, डॉ. अभिजीत बादाडे, डॉ. नाना जाधव, डॉ. इंद्रजीत शिंदे, बालाजी देशमुख यांची उपस्थिती होती. शेवटी सर्वांचे आभार राष्ट्रीय सेवा योजना विद्यार्थी प्रतिनिधी ओंकार सुरवसे यांनी मानले.