दयानंद विज्ञानमध्ये पुस्तक परीक्षण व कथन स्पर्धा

लातूर : येथील दयानंद विज्ञान महाविद्यालयातील भाषा विभाग व ग्रंथालय यांच्या संयुक्त विद्यमाने दि.१० जानेवारी २०२५ रोजी ' वाचन संकल्प महाराष्ट्राचा ' अंतर्गत महाविद्यालयाचे प्राचार्य डॉ.सिद्धेश्वर बेल्लाळे यांच्या मार्गदर्शनाखाली महाविद्यालयस्तरावर पुस्तक परीक्षण व कथन स्पर्धेचे आयोजन करण्यात आलेले होते.

या स्पर्धेमागचा मुख्य उद्देश असा होता की,विद्यार्थ्यांना मराठी,हिंदी आणि इंग्रजी भाषेतील पुस्तक वाचनाची आवड व गोडी निर्माण व्हावी,पुस्तक परीक्षण लेखनाच्या माध्यमातून लेखन कौशल्य वृध्दिंगत व्हावे आणि पुस्तक कथनाच्या माध्यमातून बोलण्याचे कौशल्य व धाडस निर्माण व्हावे हा होता.या स्पर्धेप्रसंगी इंग्रजी विभाग प्रमुख प्रा.मेघा पंडित,हिंदी विभागप्रमुख डॉ.गजानन बने,मराठी विभाग प्रमुख डॉ.रामशेट्टी शेटकार,ग्रंथपाल प्रा.किरण भिसे, आयक्यूएसी समन्वयक डॉ.जमन अंगुलवार,डॉ.चंद्रशेखर स्वामी,डॉ.मनीषा गुरमे,दिलीप राठोड यांची प्रमुख उपस्थिती होती.

सदरील स्पर्धेमध्ये बी.एस्सी.तृतीय वर्षातील श्रेया मुंडे या विद्यार्थीनीने प्रथम क्रमांक पटकाविला.बी.एस्सी.द्वितीय वर्षातील प्रांजली स्वामी हिने द्वितीय क्रमांक मिळविला तर बीसीएस प्रथम वर्षातील परमेश्वर मुंढे यांनी तृतीय क्रमांक मिळवला.या स्पर्धेत प्रथम, द्वितीय व तृतीय क्रमांक आलेल्या विद्यार्थ्यांना अनुक्रमे ७००/- ,५००/- व ३००/- रूपयांचे बक्षीस आहे.या स्पर्धेसाठी डॉ.चंद्रशेखर स्वामी यांनी परीक्षक म्हणून काम पाहिले.

या स्पर्धेचे प्रास्ताविक व सूत्रसंचालन डॉ.रामशेट्टी शेटकार यांनी केले तर आभार प्रा.मेघा पंडित यांनी मानले.या यशस्वी विद्यार्थ्यांचे अभिनंदन उपप्राचार्य,पर्यवेक्षक,कार्यालयीन अधीक्षक,सर्व विभाग प्रमुख,प्राध्यापक,शिक्षकेत्तर कर्मचारी आणि विद्यार्थ्यांनी त्यांचे अभिनंदन व कौतुक केले.