अभिरुप शाळेने केले सावित्रीमाईंना अभिवंदन!

नांदेड - क्रांतीज्योती सावित्रीबाई फुले यांच्या जयंतीनिमित्त अभिरूप शाळा ( स्कूल डे ) हा कार्यक्रम घेण्यात आला. यात जवळा दे. येथील जिल्हा परिषदेच्या प्राथमिक शाळेत दिवसभर मुलामुलींनी शाळा चालवली. सर्वप्रथम अभिरुप शाळेने सावित्रीमाईंना अभिवंदन केले. यावेळी जिल्हा परिषदेच्या प्राथमिक शाळेचे मुख्याध्यापक गंगाधर ढवळे, केंद्र प्रमुख संतोष अंबुलगेकर, विषय शिक्षक उमाकांत बेंबडे, सहशिक्षक संतोष घटकार, माजी सरपंच साहेबराव शिखरे, मारोती चक्रधर, मनिषा गच्चे, हैदर शेख, आनंद गोडबोले, हरिदास पांचाळ आदींची उपस्थिती होती.

पहिल्या भारतीय महिला शिक्षिका सावित्रीबाई फुले यांच्या १९४ व्या जयंतीचे औचित्य साधून जवळा देशमुख येथील जिल्हा परिषदेच्या प्राथमिक शाळेत अभिरुप शाळा उपक्रमाचे आयोजन करण्यात आले होते. यावेळी अभिरुप शाळेचे मुख्याध्यापक रितेश गवारे याने सावित्रीबाई फुले यांच्या प्रतिमेला पुष्पहार अर्पण करून अभिवादन केले. तसेच इतर अभिरुप शिक्षिकांनीही पुष्पवंदन केले. यात उपमुख्याध्यापक म्हणून कृष्णा शिखरे तर शिक्षिका म्हणून कल्याणी शिखरे, वैभवी शिखरे, गितांजली गोडबोले, कावेरी गच्चे यांनी काम पाहिले. तसेच सेवक म्हणून विश्वदीप झिंझाडे आणि प्रेम गोडबोले यांने काम केले.

अभिरुप शाळेच्या मनोगत कार्यक्रमात सोनाली गोडबोले, शाहेद शेख, तेजल शिखरे, राजवर्धन गवारे, नागेश मठपती, नामदेव पांचाळ, स्वराज शिखरे, शिवानी शिखरे, ज्ञानेश्वरी शिखरे, ज्ञानवी पांचाळ, आकांक्षा गोडबोले, अपेक्षा गोडबोले, प्रणिता गोडबोले, शाकेर गोडबोले यांनी मनोगत व्यक्त केले. सर्व शिक्षकांमधून उत्कृष्ट शिक्षक म्हणून विद्यार्थ्यांनी कृष्णा शिखरे याची निवड केली. केंद्रप्रमुख संतोष अंबुलगेकर यांच्या हस्ते शिखरे याचा सत्कार करण्यात आला. सूत्रसंचालन मयुरी गोडबोले हिने केले तर आभार तेजल शिखरे हिने मानले.