दयानंद विज्ञान महाविद्यालयात सूक्ष्मजीवशास्त्र विभागातर्फे एक दिवसीय उद्योजकता जागरूकता कार्यक्रम

लातूर : दि.१३ जानेवारी २०२५ वार सोमवार रोजी दयानंद विज्ञान महाविद्यालयातील सूक्ष्मजीवशास्त्र विभाग आणि मिनिस्ट्री ऑफ एम.एस.एम.ई. इंडो जर्मन टूल रूम,औरंगाबाद यांच्या संयुक्त विद्यमाने एक दिवसीय 'उद्योजकता जागरूकता कार्यक्रमा ' चे आयोजन करण्यात आलेले होते. कार्यक्रमाच्या प्रमुख पाहुणे म्हणून सीबीएफसी लिमिटेडचे डायरेक्टर राजेश चंचलानी,आनंद निकाळजे,मनोज ठाकरे,सूक्ष्मजीवशास्ञ विभाग प्रमुख व कार्यक्रम समन्वयक डॉ.राहुल मोरे व डॉ.दीप्ती ढेरे,प्रा.शिलेश गावित यांची प्रमुख उपस्थिती होती.

यावेळी राजेश चंचलानी यांनी मुलांना विविध उद्योजकताबद्दल सखोल मार्गदर्शन केले.बी.एस्सी.व एम.एस्सीच्या विद्यार्थ्यांना रोजगाराच्या व उद्योगाच्या विविध संधी व वेगवेगळ्या व्यवसायाबद्दल व कुठल्याही व्यवसायामध्ये आपण कशा पद्धतीने नावीन्यपूर्ण काम केले पाहिजे आणि त्यामुळे आपला व्यवसाय टिकून राहू शकतो हे वेगवेगळ्या प्रात्यक्षिकाद्वारेही करून दाखवले व याबाबत सखोल मार्गदर्शन करण्यात आले.या कार्यक्रमासाठी मुलांचा भरभरून प्रतिसाद होता व कार्यक्रमात मुलांनी आभार व्यक्त करताना बोलून दाखवले की,आम्ही चांगले उद्योजक होऊ शकतो व आम्ही होणारच.

सदरील कार्यक्रमासाठी विभाग प्रमुख व समन्वयक डॉ.राहुल मोरे,डॉ.दीप्ती ढेरे तसेच विभागातील प्रा.डॉ.महेश करळे,पदव्युत्तर समन्वयक प्रा.शितल पाटील,प्रा.शैलजा धुतेकर,प्रा.संध्याराणी टेकाळे, प्रा.अनुराधा इंगळे,प्रा.राधिका मालू यांचे सहकार्य लाभले.कार्यक्रमाच्या यशस्वीतेसाठी विभागातील शिक्षकेत्तर कर्मचारी संतोष सूर्यवंशी,अशोक मदने,माधव सूर्यवंशी हे हजर होते.कार्यक्रमाचे सूत्रसंचालन आकांक्षा मणियार यांनी केले.सूक्ष्मजीवशास्र विभागाचे विभाग प्रमुख डॉ.राहुल मोरे यांनी आभार प्रदर्शन केले.